ഇന്ധന വില ഇന്നും വർധിച്ചു. പെട്രോളിന് 35 പൈസയും ഡീസലിന് 37 പൈസയുമാണ് ഇന്ന് വര്ധിച്ചത്. ഇതോടെ കൊച്ചിയില് പെട്രോള് ലിറ്ററിന് 109.77 രൂപയും ഡീസലിന് 103.58 രൂപയുമായി. തിരുവനന്തപുരത്ത് പെട്രോളിന് 111.59 രൂപയും ഡീസലിന് 105.35 രൂപയുമാണ്. കോഴിക്കോട് പെട്രോളിന് 109.86 രൂപയും ഡീസലിന് 103.81 രൂപയുമായിട്ടാണ് വില്പന.
ഇന്ധനവില നിയന്ത്രണമില്ലാതെ കുതിച്ചുയരുകയാണ്. സംസ്ഥാനത്ത് കഴിഞ്ഞ ഒരു മാസത്തിനിടെ കൂടിയത് ഡീസലിന് 8.64 രൂപയും പെട്രോളിന് 7.70 രൂപയുമാണ്. വരും ദിവസങ്ങളിലും ഇന്ധനവില വര്ധിക്കുമെന്നാണ് സൂചന.
ഒരു മാസത്തിനിടെ ഏഴു ദിവസം മാത്രമാണ് വില വര്ധിക്കാതിരുന്നത്. ഈ മാസം ഒന്നിന് കൊച്ചിയില് പെട്രോള് ലിറ്ററിന് 102. 32 രൂപയും ഡീസലിന് 95.34 രൂപയുമായിരുന്നു. സംസ്ഥാനത്തെ മറ്റു ജില്ലകളെ അപേക്ഷിച്ചു കൊച്ചിയിലാണ് ഇന്ധനവില കുറവ്.