ചണ്ഡീഗഢ്: പഞ്ചാബിലെ ഭട്ടിൻഡ സൈനിക കേന്ദ്രത്തിലുണ്ടായ വെടിവെപ്പിൽ നാല് ജവാന്മാർക്ക് വീരമൃത്യു. പുലർച്ചെ 4.35-നായിരുന്നു ആക്രമണം ഉണ്ടായത്. സംഭവത്തിന്റെ പശ്ചാത്തലത്തിൽ സൈനിക കേന്ദ്രം സീൽ ചെയ്തതായാണ് റിപ്പോർട്ട്.
ഭീകരാക്രമണമാണോ എന്ന കാര്യത്തിൽ വ്യക്തതയില്ല. സൈന്യത്തിന്റെ ദ്രുതകർമ്മസേന സംഭവസ്ഥലത്തുണ്ട്. പ്രദേശത്ത് ശക്തമായ തിരച്ചിൽ തുടരുകയാണ്. അതിർത്തി സംസ്ഥാനം എന്ന നിലയിൽ പഞ്ചാബിലെ എല്ലാ സൈനിക കേന്ദ്രങ്ങളിലും അതിശക്തമായ സുരക്ഷയാണ് ഒരുക്കിയിട്ടുള്ളത്