കണ്ണൂർ ∙ ശ്രീകണ്ഠപുരം മലപ്പട്ടം മുനമ്പ് കടവ് പുഴയിൽ കാണാതായ കാൻസർ രോഗിയായ യുവാവിന്റെ മൃതദേഹം കൊയ്യം ചെക്കിക്കടവ് പാലത്തിനു സമീപം കണ്ടെത്തി. പരിപ്പായി സ്വദേശി കെ.പി.രാജേഷിന്റെ (34) മൃതദേഹമാണ് 11 മണിയോടെ കൊയ്യത്ത് പുഴയിൽ മീൻ പിടിക്കുന്നവർ കണ്ടത്. രാവിലെ മലപ്പട്ടം മുനമ്പുകടവ് പാലത്തിനു മുകളിൽ കാർ നിർത്തി പുഴയിലേക്ക് ചാടിയെന്നാണു സംശയിക്കുന്നത്. അഗ്നിരക്ഷാ സേനയെത്തി മൃതദേഹം പുറത്തെടുത്തു. മൊബൈൽ ഫോണും ചെരിപ്പും സ്ഥലത്തുണ്ടെന്നു നാട്ടുകാർ പറഞ്ഞു.