ഗതാഗത വകുപ്പിന്റെ വന് തീരുമാനം; സംസ്ഥാനത്ത് പുതിയ പോസ്റ്റ് ക്രാഷ് ഇന്വെസ്റ്റിഗേഷന് ടീം രൂപീകരിക്കും
സംസ്ഥാനത്തുണ്ടാകുന്ന വലിയ വാഹനാപകടങ്ങളുടെ യഥാര്ത്ഥ കാരണങ്ങള് കണ്ടെത്തുക എന്ന ലക്ഷ്യത്തോടെ എല്ലാ ജില്ലകളിലും ‘പോസ്റ്റ് ക്രാഷ് ഇന്വെസ്റ്റിഗേഷന് ടീം’ (അപകടാനന്തര അന്വേഷണസംഘം) രൂപീകരിക്കാന് ഗതാഗത വകുപ്പ് നിര്ദേശം നല്കി. കൊട്ടാരക്കരയില് കഴിഞ്ഞദിവസമുണ്ടായ ദാരുണമായ ടിപ്പര് ലോറി അപകടത്തിന്റെ പശ്ചാത്തലത്തിലാണ് ഗതാഗത മന്ത്രിയുടെ അടിയന്തര ഇടപെടല്. അപകടങ്ങളില് കൃത്യമായ ശാസ്ത്രീയ അന്വേഷണം നടത്തി ഭാവിയില് ഇത്തരം ദുരന്തങ്ങള് ഒഴിവാക്കാനുള്ള ശുപാര്ശകള് സമര്പ്പിക്കുകയാണ് ഈ സമിതിയുടെ പ്രധാന ചുമതല.
വിവിധ വകുപ്പുകളെ ഏകോപിപ്പിച്ചുകൊണ്ട് രൂപീകരിക്കുന്ന ഈ വിദഗ്ദ്ധ സമിതിയില് അതത് ജില്ലയിലെ ആര്.ടി.ഒ, ബന്ധപ്പെട്ട പോലീസ് സ്റ്റേഷനിലെ ഇന്സ്പെക്ടര്, പി.ഡബ്ല്യു.ഡി അല്ലെങ്കില് ദേശീയപാത അതോറിറ്റിയിലെ എന്ജിനീയര്. നാറ്റ്പാക് പ്രതിനിധി എന്നിവര് അംഗങ്ങളായിരിക്കും. അപകടം നടക്കാന് ഇടയാക്കിയ സാഹചര്യം, റോഡിന്റെ ഘടനയിലുള്ള പിഴവുകള്, വാഹനത്തിന്റെ സാങ്കേതിക തകരാറുകള്, ഡ്രൈവറുടെ അശ്രദ്ധ എന്നിവ വിശദമായി പരിശോധിച്ച് കൃത്യമായ റിപ്പോര്ട്ട് തയ്യാറാക്കുകയുമാണ് ഇവരുടെ ചുമതല. ഈ റിപ്പോര്ട്ടുകളുടെ അടിസ്ഥാനത്തില് റോഡ് സുരക്ഷ ഉറപ്പാക്കാനുള്ള കര്ശന നടപടികളിലേക്ക് ഗതാഗത വകുപ്പ് കടക്കും.
