ആറളം ഫാം തൊഴിലാളികൾക്കും ജീവനക്കാർക്കും ശമ്പള കുടിശ്ശിക നൽകാൻ സർക്കാർ അടിയന്തര ധനസഹായമായി ഒന്നരക്കോടി രൂപ അനുവദിച്ചു. പട്ടികവർഗ വികസന വകുപ്പാണ് പ്രത്യേക ധനസഹായം അനുവദിച്ചത്.
ശമ്പള കുടിശ്ശികയും ബോണസും നൽകാൻ സാമ്പത്തിക സഹായം തേടി ഫാം എംഡി നേരത്തെ സർക്കാരിൽ നൽകിയ അപേക്ഷ പരിഗണിച്ചാണ് സഹായം.
ശമ്പളവും ആനുകൂല്യവും ലഭിക്കുമെന്നായതോടെ ആറളം ഫാം ജീവനക്കാരുടെയും തൊഴിലാളികളുടെയും ഓണാഘോഷങ്ങൾക്ക് മങ്ങലേൽക്കില്ല.