കോഴിക്കോട് സിപിഐ എം പ്രവർത്തകർക്കെതിരെ യൂത്ത് കോൺഗ്രസ് പ്രവർത്തകരുടെ മർദനം, നിയമനടപടികൾ സ്വീകരിക്കാൻ ആവശ്യം
നിയമസഭാ തെരഞ്ഞെടുപ്പ് ഫലം വന്നതിനു പിന്നാലെ നരിക്കുനി പഞ്ചായത്തിലെ പറശ്ശേരി മുക്കിൽ യുഡിഎഫ് നേതൃത്വത്തിൽ സിപിഐഎം പ്രവർത്തകരെ മർദ്ദിച്ചു. യാതൊരു പ്രശ്നങ്ങളും ഇല്ലാത്ത പ്രദേശത്ത് ബസ്റ്റോപ്പിൽ ഇരിക്കുകയായിരുന്ന സിപിഐഎം ബ്രാഞ്ച് സെക്രട്ടറി റിയാസ്, മുൻ ലോക്കൽ സെക്രട്ടറി കെ പി പ്രേംകുമാർ, പി പി അരുൺ, ഹൈജാസ് ഹസ്സൻ എന്നിവരെയാണ് യൂത്ത് കോൺഗ്രസ് പ്രവർത്തകൻ ആസിഫ് റഹ്മാന്റെയും അബ്ദുൽ കാദറിന്റെയുണ് നേതൃത്വത്തിൽ എത്തിയ ക്രിമിനൽ സംഘം ക്രൂരമായി മർദ്ദിച്ചത്.
പരിക്കേറ്റവരെ കോഴിക്കോട് മെഡിക്കൽ കോളേജ് ആശുപത്രിയിലും താമരശ്ശേരി താലൂക്ക് ആശുപത്രിയിലും പ്രവേശിപ്പിച്ചു. സിപിഐഎം പ്രവർത്തകർക്കെതിരായ ഈ അക്രമത്തിനെതിരെ ശക്തമായ പ്രതിഷേധം രേഖപ്പെടുത്തുന്നതായും എല്ലാ പ്രതികളെയും ഉടനെ അറസ്റ്റ് ചെയ്തു നിയമനടപടികൾ സ്വീകരിക്കണമെന്നും സിപിഐഎം നരിക്കുനി ലോക്കൽ കമ്മിറ്റി ആവശ്യപ്പെട്ടു.
