കണിച്ചാർ : കണിച്ചാർ പഞ്ചായത്ത് ബീക്കൺ ടൗൺ മെഗാ ക്ലീനിങ് പരിപാടി വൻ വിജയം. വ്യാപാര സ്ഥാപനങ്ങൾ 2 മണിക്കൂർ ശുചിത്വ ഹർത്താൽ ആചരിച്ചാണ് കണിച്ചാർ പഞ്ചായത്തിന്റെ മെഗാ ശുചീകരണം നടത്തിയത് എന്നത് ഏറെ ശ്രദ്ധേയമായി.
റോഡുകളും തോടുകളും സ്ഥാപനങ്ങളും ഉൾപ്പെടെ കണിച്ചാർ ടൗണിന്റെ ഒട്ടുമിക്ക പ്രദേശങ്ങളിലും ഇന്നേദിനം ശുചീകരണ പ്രവർത്തികൾ നടന്നു.
പഞ്ചായത്ത് ബസ് സ്റ്റാൻഡ് പരിസരത്തെ കാട് മൂടിയ സ്വകാര്യ ഭൂമികൾ ഉടമകളുടെ സഹകരണത്തോടെ വൃത്തിയാക്കിയപ്പോൾ പഞ്ചായത്തിന്റെ മുഖഛായ ആകെ മാറി.
പഞ്ചായത്ത് പ്രസിഡന്റ് ഡോ. ത്രേസ്യ പോൾ ഉദ്ഘാടനം നിർവഹിച്ചു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ സിന്ധു ചിറ്റേരി അധ്യക്ഷത വഹിച്ചു.
വൈസ് പ്രസിഡന്റ് ചാക്കോ തൈക്കുന്നേൽ, പഞ്ചായത്ത് അസിസ്റ്റന്റ് സെക്രട്ടറി ഷൈജു പി വർഗീസ്, പഞ്ചായത്ത് ഹെൽത്ത് ഇൻസ്പെക്ടർ ശ്രീലത പി, വ്യാപാരി വ്യവസായി പ്രസിഡന്റ് പ്രജിത്ത് പൊനോൻ, വാർഡ് മെമ്പർമാരായ ജിൽസൺ മാത്യു, തോമസ് പയ്യപ്പള്ളിൽ, ഷീബ തോമസ്, ജിബിൻ ജെയ്സൺ, മിനി സെബാസ്റ്റ്യൻ, സിവി തോമസ് ബിന്ദു ജിമ്മി, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ലാലി ജോസ്, പ്രാഥമിക ആരോഗ്യ കേന്ദ്രം ഹെൽത്ത് ഇൻസ്പെക്ടർ മുത്തു തുടങ്ങിയവർ നേതൃത്വം നൽകി.
ഹരിത കർമ സേന അംഗങ്ങൾ, കുടുംബശ്രീ പ്രവർത്തകർ, തൊഴിലുറപ്പ് തൊഴിലാളികൾ, കച്ചവടക്കാർ, വിവിധ സന്നദ്ധ സേനകൾ, ഗ്രന്ഥശാല അംഗങ്ങൾ, തുടങ്ങിയവർ പങ്കെടുത്തു.
