വൈപ്പിൻ: ബാർ ഹോട്ടലിൽ കമ്പ്യൂട്ടർ സർവീസ് ചെയ്തു കൊണ്ടിരുന്ന യുവാവിനെ പുറത്തുനിന്നുള്ള രണ്ടംഗ സംഘം മർദ്ദിച്ചതായി പരാതി. പാലക്കാട് ഒറ്റപ്പാലം വേങ്ങശേരി നെട്ടാത്ത് അജിത്തിനാണ് (28) മർദനമേറ്റത്. മുഖത്തെ ഇടിയിൽ പല്ലുകൾക്ക് കേടുപാട് സംഭവിച്ചു. ആശുപത്രിയിൽ ചികിത്സ തേടി.കഴിഞ്ഞദിവസം തെക്കൻമാലിപ്പുറം സീപോർട്ട് ഹോട്ടലിലാണ് സംഭവം ഉണ്ടായത്. ഹോട്ടൽ റിസപ്ഷനിസ്റ്റുമായി രണ്ടംഗസംഘം ഉണ്ടാക്കിയ തർക്കത്തിനിടെ വിവരം പൊലിസിൽ അറിയിച്ചു എന്ന് ആരോപിച്ചായിരുന്നു മർദ്ദനമത്രേ.
ഞാറക്കൽ പൊലിസ് നൽകിയ പരാതിയിൽ കണ്ടാലറിയാവുന്ന രണ്ടു പേർക്കെതിരെ കേസെടുത്ത് ഹോട്ടലിലെ സിസിടിവി കാമറകൾ പരിശോധിച്ച് പ്രതികളെ തിരിച്ചറിഞ്ഞിട്ടുണ്ട്.
