റിപ്പോർട്ടറിലെ പൊലീസ് അതിക്രമം; മാധ്യമവേട്ടയുടെ ഭയപ്പെടുത്തുന്ന റഫറൻസായി ഓർത്തുവയ്ക്കപ്പെടും: എ എ റഹീം എംപി

കൊച്ചി: റിപ്പോര്‍ട്ടര്‍ ടിവിക്കെതിരായ പൊലീസ് നടപടിയില്‍ ആഭ്യന്തര മന്ത്രി രമേശ് ചെന്നിത്തലയ്‌ക്കെതിരെ രൂക്ഷ വിമര്‍ശനവുമായി എ എ റഹീം എംപി. ജോലി ചെയ്തുകൊണ്ടിരുന്ന മാധ്യമ പ്രവര്‍ത്തകരെ ഇറക്കി വിട്ട്, അവരുടെ കസേര വലിച്ചിട്ട് അതില്‍ എസിപി ഇരുന്നത് ഭരണകൂടത്തിന്റെ മാധ്യമവേട്ടയുടെ ഭയപ്പെടുത്തുന്ന റഫറന്‍സായി എക്കാലവും ഓര്‍ത്തുവയ്ക്കപ്പെടുമെന്ന് റഹീം പറഞ്ഞു. അത് താങ്കളുടെ കാലത്ത് ആയിരുന്നു എന്നത് രമേശ് ചെന്നിത്തലയ്ക്ക് അഭിമാനിക്കാവുന്ന കാര്യമാണെന്നും റഹീം പറഞ്ഞു. ഫേസ്ബുക്ക് കുറിപ്പിലൂടെയായിരുന്നു എ എ റഹീമിന്റെ പ്രതികരണം.