ലക്നോ: ഉത്തർപ്രദേശിലെ ബാഗ്പത് ജില്ലയിൽ ബസ് ഡിവൈഡറിലിടിച്ച് മറിഞ്ഞുണ്ടായ അപകടത്തിൽ നാല് പേർ മരിച്ചു. ഇരുപതിലധികം യാത്രക്കാർക്ക് പരിക്കേറ്റു. രാജസ്ഥാനിൽ നിന്നും ബുദൗണിലേക്ക് പോവുകയായിരുന്നു ബസ്. തിങ്കളാഴ്ച പുലർച്ചെ 12:30 നാണ് അപകടമുണ്ടായത്.
വിവരം അറിഞ്ഞയുടൻ തന്നെ പൊലിസ് സ്ഥലത്തെത്തി പരിക്കേറ്റവരെ ആശുപത്രിയിൽ പ്രവേശിപ്പിച്ചു. 32 പേരായിരുന്നു ബസിലുണ്ടായിരുന്നത്. മരിച്ചവരെ തിരിച്ചറിയാനുള്ള ശ്രമങ്ങൾ തുടരുകയാണെന്ന് പൊലിസ് അറിയിച്ചു.
