Uncategorized
‘എംഎൽഎ ആശുപത്രിയിൽ, സഹായം വേണം’;എം ആർ ബൈജുവിന്റെ പേഴ്സണൽ സ്റ്റാഫെന്ന വ്യാജേന തട്ടിപ്പ് നടത്തിയ 3പേർ അറസ്റ്റിൽ
തിരുവനന്തപുരം: എംഎല്എയുടെ പേഴ്സണല് സ്റ്റാഫെന്ന വ്യാജേന തട്ടിപ്പ് നടത്തിയ മൂന്നുപേര് അറസ്റ്റില്. കാട്ടാക്കട എംഎല്എ എം ആര് ബൈജുവിന്റെ പേഴ്സണല് സ്റ്റാഫ് എന്ന് ചമഞ്ഞാണ് തട്ടിപ്പ് നടത്തിയത്. രാജേഷ് (43), വിനീത് (38), സുരേഷ് (41) എന്നിവരെ കാട്ടാക്കട പൊലീസ് അറസ്റ്റ് ചെയ്തു. എംഎല്എ ആശുപത്രിയിലാണെന്നും സഹായം വേണമെന്നും പറഞ്ഞാണ് തട്ടിപ്പ് നടത്തിയത്. എംഎല്എയുടെ പേരില് വ്യാപാരിയില് നിന്ന് 1000 രൂപ ഇവര് കൈക്കലാക്കി. വിവരമറിഞ്ഞ എംഎല്എ പൊലീസില് പരാതി നല്കുകയായിരുന്നു. കാട്ടാക്കട ഡിവൈഎസ്പിയുടെ നേതൃത്വത്തിലുള്ള അന്വേഷണ സംഘമാണ് പ്രതികളെ പിടികൂടിയത്.
