Uncategorized
പാണക്കാട് സാദിഖലി തങ്ങള്ക്കെതിരെ അപകീര്ത്തികരമായ ഫേസ്ബുക്ക് പോസ്റ്റ് ഇട്ടത് കാപ്പ കേസ് പ്രതി; ആവശ്യം 15 കോടി
മലപ്പുറം: മുസ്ലിം ലീഗ് സംസ്ഥാന അദ്ധ്യക്ഷന് പാണക്കാട് സയ്യിദ് സാദിഖലി ശിഹാബ് തങ്ങള്ക്കെതിരെ അപകീര്ത്തികരമായ ഫേസ്ബുക്ക് പോസ്റ്റ് ഇട്ടത് കാപ്പ കേസ് പ്രതി മുഹമ്മദ് റോഷന്. ബ്ലാക്ക് മെയിലിംഗ് ആയിരുന്നു ലക്ഷ്യമെന്ന് പൊലീസ് പറഞ്ഞു.
വ്യാജ ദൃശ്യങ്ങള് കാണിച്ചു സാദിഖലി തങ്ങളുടെ ബന്ധുവിനോട് 15കോടി രൂപ ആവശ്യപ്പെട്ടു. ഇത് നിരസിച്ചപ്പോളാണ് വ്യാജ ഫേസ്ബുക്ക് അക്കൗണ്ട് ഉണ്ടാക്കി പാണക്കാട് സാദിഖലി തങ്ങളെ അപകീര്ത്തിപെടുത്തിയത്.പെരിന്തല്മണ്ണ പോലീസ് സംഭവത്തില് കേസ് എടുത്തു. പ്രതി ഒളിവിലാണെന്ന് പൊലീസ് പറഞ്ഞു. എഫ്ഐആര് റിപ്പോര്ട്ടറിന് ലഭിച്ചു.
