*കേളകം: ശാസ്ത്രലോകത്തിന് എന്നും അഭിമാനിക്കാവുന്ന രാമൻ പ്രതിഭാസം കണ്ടെത്തിയതിന്റെ ഓർമ്മ പുതുക്കി ദേശീയ ശാസ്ത്രദിനാചരണവും ശാസ്ത്രപ്രദര്ശനവും കേളകം സെന്റ് തോമസ് ഹയര് സെക്കൻഡറി സ്കൂളിൽ നടന്നു. സ്കൂളിൽ നടന്ന ദിനാചരണ പരിപാടികളുടെയും ശാസ്ത്ര പ്രദർശനത്തിന്റെയും ഉദ്ഘാടനം കേളകം ഗ്രാമപഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ പ്രീത ഗംഗാധരൻ നിർവഹിച്ചു. പിടിഎ വൈസ് പ്രസിഡണ്ട് സജീവൻ എം പി അധ്യക്ഷത വഹിച്ചു. സ്റ്റാഫ് സെക്രട്ടറി സോണി ഫ്രാൻസിസ് ആശംസ അർപ്പിച്ച് സംസാരിച്ചു. ഹെഡ്മാസ്റ്റർ എം വി മാത്യു സ്വാഗതവും ശാസ്ത്രരംഗം കോഡിനേറ്റർ രാധിക എം കെ നന്ദിയും പറഞ്ഞു. കുട്ടികളിലെ ശാസ്ത്രബോധത്തെ ഉണര്ത്തുന്ന വിവിധങ്ങളായ ശാസ്ത്ര പ്രദർശനവും നടന്നു.*