കോവിഡ് നിയന്ത്രണങ്ങള്ക്ക് ഇടയിലും ഗുരുവായൂര് ക്ഷേത്രത്തില് ഞായറാഴ്ച വിവാഹ തിരക്ക്. നേരത്തെ ബുക്ക് ചെയ്തിരുന്ന 184 വിവാഹങ്ങളില് 154 എണ്ണം ക്ഷേത്രസന്നിധിയില് നടന്നു. കോവിഡ് നിയന്ത്രണങ്ങള് പാലിച്ചായിരുന്നു വിവാഹ ചടങ്ങുകള്. ഞായറാഴ്ച ഏര്പ്പെടുത്തിയ ലോക്ക്ഡൗണിന് സമാനമായ നിയന്ത്രണങ്ങള് നിലനില്ക്കുന്നതിനാല് അധികൃതരുടെ കര്ശന നിര്ദേശങ്ങള് പാലിച്ചാണ് വിവാഹങ്ങള് നടന്നത്. വധൂവരന്മാര്ക്കൊപ്പം ഫോട്ടോഗ്രാഫര്മാരടക്കം 12 പേരെ മാത്രമാണ് വിവാഹ മണ്ഡപത്തിനടുത്തേക്ക് പ്രവേശിപ്പിച്ചത്.
കിഴക്കേനടപ്പുരയില് വിവാഹ പാര്ട്ടിക്കാരുടെ തിരക്കായതിനാല് ദീപസ്തംഭത്തിന് മുന്നില് നിന്ന് ദര്ശനം നടത്താനുള്ളവരെ കടത്തിവിട്ടില്ല. പൊലീസും ദേവസ്വം സെക്യൂരിറ്റി ജീവനക്കാരും ഏറെ പാടുപെട്ടാണ് തിരക്ക് നിയന്ത്രിച്ചത്.