‘പ്രധാനമന്ത്രി നരേന്ദ്ര മോദി മഹാനായ മനുഷ്യന്, സുഹൃത്ത്’; അടുത്ത വര്ഷം ഇന്ത്യ സന്ദര്ശിക്കുമെന്ന സൂചനയുമായി ട്രംപ്
പ്രധാനമന്ത്രി നരേന്ദ്ര മോദിയെ പ്രശംസിച്ച് യുഎസ് പ്രസിഡന്റ് ഡൊണാൾഡ് ട്രംപ്. പ്രധാനമന്ത്രി ഒരു മഹാനായ മനുഷ്യനാണെന്നും തന്റെ സുഹൃത്താണെന്നും ട്രംപ് പറഞ്ഞു. ഇരുരാജ്യങ്ങളും തമ്മിലുള്ള വ്യാപാര ബന്ധം ശക്തിപ്പെടുത്തുന്നതിനുള്ള ശ്രമങ്ങളുടെ ഭാഗമായി അടുത്ത വർഷം ഇന്ത്യ സന്ദർശിക്കുമെന്ന് അദ്ദേഹം സൂചന നൽകി.
ശരീരഭാരം കുറയ്ക്കുന്ന മുരുന്നുകളുകളുടെ വില കുറയ്ക്കുന്നതിനുള്ള ഒരു പുതിയ പദ്ധതി അവതരിപ്പിച്ച ശേഷം വൈറ്റ് ഹൗസിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. പ്രധാനമന്ത്രി മോദിയുമായുള്ള തന്റെ ചർച്ചകൾ പോസിറ്റീവായി പുരോഗമിക്കുകയാണെന്ന് ട്രംപ് പറഞ്ഞു.
”അദ്ദേഹം റഷ്യയിൽ നിന്ന് വാങ്ങുന്ന എണ്ണയുടെ അളവ് വളരെയധികം കുറച്ചു, ട്രംപ് അവകാശപ്പെട്ടു. അദ്ദേഹം എന്റെ സുഹൃത്താണ്, ഞങ്ങൾ സംസാരിച്ചുകൊണ്ടിരിക്കുകയാണ്. ഞാൻ ഇന്ത്യയിലേക്ക് വരണമെന്ന് അദ്ദേഹം ആഗ്രഹിക്കുന്നു. നമുക്ക് അത് മനസ്സിലാകും, ഞാൻ പോകും. പ്രധാനമന്ത്രി മോദി ഒരു മഹാനായ വ്യക്തിയാണ്. ഞാൻ ഇന്ത്യയിലേക്ക് പോകും,” ട്രംപ് പറഞ്ഞു.
