ഇരിട്ടി : കർഷക ദിനാചരണത്തിന്റെ ഭാഗമായി കർഷകമോർച്ച പേരാവൂർ മണ്ഡലം കമ്മിറ്റിയുടെ നേതൃത്വത്തിൽ നവീന രീതിൽ സമ്മിശ്ര കൃഷിയിലൂടെ വിജയം വരിച്ച മാതൃകാ കർഷകനും ഇരിട്ടി എം ജി കോളേജിൽ ഭൗതിക ശാസ്ത്രവിഭാഗം മേധാവിയുമായിരുന്ന റിട്ട. പ്രൊഫ. ഡോ . കെ.വി. ദേവദാസിനെ ആദരിച്ചു. അദ്ദേഹത്തിന്റെ കീഴൂരിലെ കൃഷിയിടത്തിൽ വെച്ച് നടന്ന ചടങ്ങിൽ ബി ജെ പി പേരാവൂർ മണ്ഡലം പ്രസിഡന്റ് എം.ആർ. സുരേഷ് ദേവദാസിനെ പൊന്നാട അണിയിക്കുകയും കർഷകമോർച്ചയുടെ പ്രശംസാ പത്രം കൈമാറുകയും ചെയ്തു. കർഷകമോർച്ച നേതാക്കളായ ജയപ്രകാശ് കീഴൂർ, എം. ഹരീന്ദ്രനാഥ്, കെ. പി. കുഞ്ഞിനാരായണൻ എന്നിവരും ചടങ്ങിൽ പങ്കെടുത്തു.