തിരുവനന്തപുരം കിളിമാനൂരില് അധ്യാപകരുടെ കുടിപ്പകയില് വിദ്യാര്ഥിനിക്കെതിരെ വ്യാജപ്രചരണം നടത്തിയ അധ്യാപികക്കെതിരെ പോക്സോ കേസ്. കിളിമാനൂര് രാജാ രവിവര്മ്മ ഗേള്സ് ഹയര് സെക്കന്ഡറി സ്കൂളിലെ ഹിന്ദി അധ്യാപികയായ സി ആര് ചന്ദ്രലേഖക്കെതിരെയാണ് കേസെടുത്തത്. കുട്ടിയുടെ മാതാവില് നിന്ന് മൊഴിയെടുത്തു. പിന്നാലെയാണ് നടപടി.സ്കൂളിലെ ഒരു അധ്യാപകന് വിദ്യാര്ഥിനിയെ ലൈംഗികമായി പീഡിപ്പിച്ചെന്ന വ്യാജ പ്രചരണത്തിനാണ് കേസ്. വ്യാജ പരാതി നല്കുകയും വാട്സാപ്പിലൂടെ ഇക്കാര്യം പ്രചരിപ്പിക്കുകയും ചെയ്തു.
പ്ലസ് വണ് വിദ്യാര്ഥിനി ഗുരുതര അപസ്മാരം പിടിപെട്ട് സ്കൂളില് നിന്നും നാല് മാസം മാറി നിന്നപ്പോഴായിരുന്നു അധ്യാപകര് തമ്മിലുള്ള ചേരിപ്പോരിന്റെ പേരില് കുട്ടിയെ ഇരയാക്കിയത്. നാണക്കേടിലായ വിദ്യാര്ഥി പഠനം പാതി വഴിയില് ഉപേക്ഷിച്ചത് . വാര്ത്ത ശ്രദ്ധയില്പ്പെട്ട വിദ്യാഭ്യാസ മന്ത്രി അടിയന്തിര നടപടിക്ക് നിര്ദ്ദേശം നല്കിയിരുന്നു.
