രണ്ടുമാസത്തെ സാമൂഹ്യസുരക്ഷ, ക്ഷേമനിധി പെൻഷൻ തിങ്കളാഴ്‌ച മുതൽ വിതരണംചെയ്യും. 3200 രൂപ വീതമാണ്‌ ലഭിക്കുക. അറുപത്‌ ലക്ഷത്തോളംപേർക്ക്‌ ഇതിന്റെ പ്രയോജനം ലഭിക്കും.
1762 കോടി രൂപ ഇതിനായി ധനവകുപ്പ്‌ അനുവദിച്ചു. സാമൂഹ്യസുരക്ഷാ പെൻഷന്‌ 1550 കോടിയും ക്ഷേമനിധി ബോർഡുകൾക്ക്‌ 212 കോടിയുമാണ്‌ നൽകിയത്. സാമൂഹ്യസുരക്ഷാ പെൻഷൻ അർഹരിൽ 26.74 ലക്ഷം പേർക്ക്‌ ബാങ്ക് അക്കൗണ്ടിൽ പെൻഷൻ തുക എത്തും. ബാക്കിയുള്ളവർക്ക് സഹകരണ സംഘങ്ങൾവഴി നേരിട്ടും. ക്ഷേമനിധി പെൻഷൻ അതത്‌ ബോർഡുകൾ വിതരണം ചെയ്യും. 23നു മുമ്പ്‌ വിതരണം പൂർത്തിയാക്കണമെന്ന്‌ ധനമന്ത്രി കെ എൻ ബാലഗോപാൽ നിർദേശിച്ചു.