കബനിഗിരി: സംസ്ഥാനതല ബാസ്‌കറ്റ്‌ബോൾ മത്സരത്തിൽ വയനാട് ജില്ലയെ പ്രതിനിധീകരിച്ച് സബ് ജൂനിയർ ആൺകുട്ടികളുടെയും പെൺകുട്ടികളുടെയും വിഭാഗത്തിൽ പങ്കെടുക്കാൻ അവസരം ലഭിച്ച കുട്ടികളെ ആദരിച്ച് ഇടയൻ ട്രാവൽസ്, ചിന്നൂസ് ഗ്രൂപ്പ്, ഫ്രണ്ട്സ് ട്രാവൽസ് എന്നിവയുടെ നേതൃത്വത്തിൽ ആദരവ് നൽകി.
സംസ്ഥാനതല മത്സരത്തിൽ പങ്കെടുക്കാൻ സാധിച്ചത് കുട്ടികൾക്കും പരിശീലകർക്കും അഭിമാനകരമായ നേട്ടമാണ്. മത്സരത്തിൽ സമ്മാനം നേടാനായില്ലെങ്കിലും സംസ്ഥാനതലത്തിൽ കളിക്കളത്തിലിറങ്ങാൻ ലഭിച്ച അവസരം തന്നെ വലിയൊരു അംഗീകാരമാണെന്ന് ചടങ്ങിൽ വിലയിരുത്തി. കുട്ടികളുടെ കായികമികവിനെയും കഠിനാധ്വാനത്തെയും പ്രോത്സാഹിപ്പിക്കുന്നതിന്റെ ഭാഗമായാണ് ആദരവ് സംഘടിപ്പിച്ചത്.
കുട്ടികൾക്ക് പിന്തുണയും പ്രോത്സാഹനവും നൽകിയ ഇടയൻ ട്രാവൽസ്, ചിന്നൂസ് ഗ്രൂപ്പ്, ഫ്രണ്ട്സ് ട്രാവൽസ് എന്നിവരുടെ ഈ പ്രവർത്തനം കായികരംഗത്തേക്ക് കൂടുതൽ കുട്ടികളെ ആകർഷിക്കാൻ പ്രചോദനമാകുമെന്ന് പ്രതീക്ഷിക്കുന്നു.
കായികപ്രതിഭകളെ പ്രോത്സാഹിപ്പിക്കുകയും അവരുടെ സ്വപ്നങ്ങൾക്ക് പിന്തുണ നൽകുകയും ചെയ്യുന്ന ഇത്തരം കൂട്ടായ്മകൾ സമൂഹത്തിന് മാതൃകയാണ്.
