പതിനാലുവർഷം തടവ് പൂർത്തിയാക്കിയവരെ ശിക്ഷായിളവിന് ശുപാർശ ചെയ്ത് ജയിൽ ഉപദേശകസമിതി. 14 വർഷം പൂർത്തിയാക്കിയ 75 തടവുകാരും രണ്ടുവർഷമായി പരോൾ ലഭിക്കാത്ത 14 പേരുമാണ് പരിഗണനയിലുള്ളത്.
സ്ത്രീകളെയും കുട്ടികളെയും പീഡിപ്പിച്ചവരെയും ക്രൂരമായി കൊലപാതകം നടത്തിയവരെയും ഇളവിന് പരിഗണിക്കില്ല. ജയിൽ ഡി.ജി.പി. കെ. പദ്‌മകുമാർ, ജില്ലാ ജഡ്ജി നിസാർ അഹമ്മദ്, കളക്ടർ എസ്. ചന്ദ്രശേഖർ, സിറ്റി പോലീസ് കമ്മിഷണർ അജിത്ത് കുമാർ, ജയിൽ സൂപ്രണ്ട് ഡോ. പി. വിജയൻ, പ്രൊബേഷണറി ഓഫീസർ വി. രാജശ്രീ, പി. ജയരാജൻ, എം. രാജഗോപാൽ എന്നിവർ ജയിൽ ഉപദേശകസമിതി യോഗത്തിൽ പങ്കെടുത്തു.