Uncategorized
കൊച്ചിയിൽ ജലഗതാഗത വകുപ്പ് ഓഫീസിൽ കയറി ജീവനക്കാരെ ആക്രമിച്ചു; നിരവധി കേസുകളിൽ പ്രതിയായ ‘മൈൻഡ് കണ്ണൻ’ അറസ്റ്റിൽ
കൊച്ചി: ജലഗതാഗത വകുപ്പ് ഓഫീസിൽ കയറി ജീവനക്കാരെയും മറ്റൊരാളെയും ആക്രമിച്ച കേസിൽ തോപ്പുംപടി സ്വദേശി വിഷ്ണു കണ്ണൻ (മൈൻഡ് കണ്ണൻ- 37) അറസ്റ്റിലായി. എറണാകുളം സെൻട്രൽ പൊലീസാണ് ഇയാളെ പിടികൂടിയത്എറണാകുളം ബോട്ട് ജെട്ടി പരിസരത്തുനിന്നാണ് വിഷ്ണു കണ്ണനെ പൊലീസ് കസ്റ്റഡിയിലെടുത്തത്. ഗുണ്ടാലിസ്റ്റിൽ ഉൾപ്പെട്ടിട്ടുള്ള ഇയാൾക്കെതിരെ നിരവധി ക്രിമിനൽ കേസുകളുണ്ടെന്ന് പൊലീസ് അറിയിച്ചു. ജലഗതാഗത വകുപ്പ് ജീവനക്കാരൻ മാഹിനെയും സുഹൃത്ത് നവാസിനെയും ഓഫീസിൽ കയറിയാണ് വിഷ്ണു ആക്രമിച്ചതെന്ന് പൊലീസ് പറഞ്ഞു.
സെൻട്രൽ അസിസ്റ്റന്റ് കമ്മിഷണർ സിബി ടോം, ഇൻസ്പെക്ടർ അനീഷ് ജോയ്, എസ്ഐമാരായ അനസ് തൗഫിക്, വിധുൻ, സുബോധ്, സീനിയർ സിപിഒമാരായ രാജേഷ്, ജിനീഷ് എന്നിവർ ഉൾപ്പെട്ട സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
