Uncategorized
പിരിവിനെത്തിയ ശിവസേന നേതാവിനെ പൊലീസ് സ്റ്റേഷനിൽ വെച്ച് മർദിച്ച് സ്ത്രീകൾ, സംഭവം മഹാരാഷ്ട്രയിൽ
മുംബൈ: മഹാരാഷ്ട്രയിൽ പിരിവിനെത്തിയ ശിവസേന യുവനേതാവിനെ പോലീസ് സ്റ്റേഷനിൽ വച്ച് മർദിച്ച് സ്ത്രീകൾ. ഇന്നലെ വൈകീട്ട് താനെയിലെ കോപ്രി പോലീസ് സ്റ്റേഷനിലാണ് സംഭവം. ശിവസേന ഷിൻഡേ വിഭാഗം നേതാവും യൂട്യൂബറുമായ സിദ്ധു അഭംഗെ വഴിയോരത്ത് തുണികച്ചവടം നടത്തുന്ന സ്ത്രീകളോട് 500 രൂപ പിരിവ് ആവശ്യപ്പെട്ടു. സ്ത്രീകൾ പിരിവ് നൽകില്ലെന്ന് പറഞ്ഞതോടെ തർക്കമായി. പോലീസ് സ്റ്റേഷനിൽ വച്ച് പ്രശ്നം പരിഹരിക്കാൻ എത്തിയ ഇരുകൂട്ടരും വീണ്ടും വാക്കേറ്റമുണ്ടാവുകയും സ്ത്രീകൾ സിദ്ധുവിനെ അടിക്കുകയുമായിരുന്നു. സംഭവത്തിൽ പോലീസ് കേസെടുത്തു.
