സ്വത്ത് വീതംവച്ചത് കുറഞ്ഞുപോയി; വയോധികയെ ക്രൂരമായി മർദിച്ച മകൻ പിടിയിൽ
കൊല്ലം: ചവറ തട്ടാശേരിയില് വയോധികയെ മർദിച്ച കേസിൽ മകൻ പിടിയിൽ. ചവറ തോട്ടിന് വടക്ക് മണ്ണന്തറ വീട്ടില് ശ്യാമള അമ്മയ്ക്കാണ് മർദനമേറ്റത്. സംഭവത്തെ തുടർന്ന് ഇളയ മകൻ വേണു(44) ആണ് പിടിയിലായത്.സ്വത്ത് വീതംവച്ച് നൽകിയതിൽ കുറവുണ്ടായെന്ന് ആരോപിച്ചായിരുന്നു മർദനം. സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു. വീട്ടിലുണ്ടായിരുന്ന ഹോം നഴ്സ് ആണ് ദൃശ്യങ്ങൾ പകർത്തിയത്.
അമ്മ നിലവിളിച്ച് അപേക്ഷിച്ചിട്ടും പ്രതി മർദനം തുടരുന്നതും ദൃശ്യങ്ങളിൽ വ്യക്തമാണ്. സംഭവത്തിന് പിന്നാലെ ചവറ പൊലിസ് കേസെടുത്ത് വേണുവിനെ കസ്റ്റഡിയിലെടുക്കുകയായിരുന്നു. അമ്മയെ അസഭ്യം പറയുന്നതും ഷര്ട്ട് തൂക്കിയിടുന്ന ഹാംഗര് ഉപയോഗിച്ച് തല്ലുന്നതുമാണ് ഒന്നര മിനിറ്റ് ദൈര്ഘ്യമുള്ള വീഡിയോ ദൃശ്യങ്ങളിലുള്ളത്.
