തലസ്ഥാനത്ത് കടലിൽ കാണാതായ അഞ്ച് മത്സ്യത്തൊഴിലാളികളെ കണ്ടെത്താനായില്ല, മുതലപ്പൊഴിയിൽ പ്രതിഷേധം

തിരുവനന്തപുരം : തിരുവനന്തപുരത്ത് മുതലപ്പൊഴി, വിഴിഞ്ഞം ഭാഗങ്ങളിൽ നിന്ന് കടലിൽ പോയി കാണാതായ അഞ്ച് മത്സ്യത്തൊഴിലാളികളെ കണ്ടെത്താനായില്ല. രക്ഷാപ്രവർത്തനം വൈകിയതിൽ നാട്ടുകാരുടെ രോഷം. മഴയും കാറ്റും ശക്തമായ മുതലപ്പൊഴിയിൽ നാട്ടുകാർ റോഡ് ഉപരോധിച്ചു. ബീച്ച് റോഡ് ആണ് തടയുന്നത്. റോഡിൽ വാഹനങ്ങൾ കൂട്ടിയിട്ടു. മത്സ്യ തൊഴിലാളികലെ കണ്ടെത്താൻ ഒരു നടപടിയും ഇല്ലാത്തതിൽ പ്രതിഷേധം ശക്തമാണ്. നാട്ടുകാർ തീരദേശ പോലീസ് സ്റ്റേഷന് മുന്നിൽ ധർണ നടത്തി.