കണ്ണൂർ :സാമൂഹിക നീതി വകുപ്പ് ഒരുമാസത്തിനകം ജന്മനാ ഗർഭപാത്രം ഇല്ലാത്തവരെ സംവരണ പട്ടികയിൽ ഉൾപ്പെടുത്താനുള്ള നടപടികൾ സ്വീകരിക്കണമെന്ന് മനുഷ്യാവകാശ കമ്മിഷൻ ജുഡീഷ്യൽ അംഗം കെ ബൈജുനാഥ് ആവശ്യപ്പെട്ടു.
മനുഷ്യാവകാശ കമ്മിഷന്റെ ഉത്തരവ് പ്രകാരം ജന്മനാ ഗർഭപാത്രമില്ലാത്തവരെ ഭിന്നശേഷി സംവരണ പട്ടികയിൽ 2017 ൽ സർക്കാർ ഉൾപ്പെടുത്തിയെങ്കിലും പി എസ് സി യും,എംപ്ലോയ്മെന്റ് എക്സ്ചേഞ്ചും അംഗീകരിച്ചിട്ടില്ല .ഇതിനെ തുടർന്ന് കണ്ണൂർ സ്വദേശിനി കമ്മിഷനെ സമീപിച്ചതിന്റെ പശ്ചാത്തലത്തിലാണ് പുതിയ ഉത്തരവ്.