കേളകം: കേരള ഇൻഡിപെൻഡന്‍റ് ഫാർമേഴ്സ് അസോസിയേഷ (കിഫ) ന്‍റെ നേതൃത്വത്തിൽ ചീങ്കണ്ണിപ്പുഴ വീണ്ടെടുക്കൽ യജ്ഞം നടത്തി. ചീങ്കണ്ണിപ്പുഴയിൽ ചൂണ്ടയിട്ടെന്ന കുറ്റം ചുമത്തി വിമുക്തഭടൻ പ്രിൻസ് ദേവസ്യക്കെതിരേ വനം വകുപ്പ് കേസെടുത്തിരുന്നു.
എന്നാൽ വനം വകുപ്പ് തന്നെ നടത്തിയ തുടർഅന്വേഷണത്തിൽ കേസിൽ കഴമ്പിലെന്ന് ബോധ്യപ്പെടുകയും കേസ് പിൻവലിക്കുകയുമായിരുന്നു. ഈ സാഹചര്യത്തിലാണ് പുഴ വീണ്ടെടുക്കൽ പരിപാടിയുമായി കിഫ രംഗത്തെത്തിയത്.
കിഫ ചെയർമാൻ അലക്സ് ഒഴുകയിൽ പുഴയിൽ ചൂണ്ടയിട്ടും വലയെറിഞ്ഞും പരിപാടി ഉദ്ഘാടനം ചെയ്തു.
തുടർന്ന് നാട്ടുകാരുടെ നേതൃത്വത്തിൽ പുഴയിൽ മീൻ പിടുത്തവും നടത്തി. ജോർജ് കുമ്പളാനി, ബെന്നി ജോൺ എടത്തിൽ, ജിജി മുക്കാട്ടുകാവുങ്കൽ, പ്രിൻസ് ദേവസ്യ, അനിൽ ടി ജോൺ, ടോമി ചാത്തൻപാറ, സെബാസ്റ്റ്യൻ മൈലാടുമ്പാറ എന്നിവർ പങ്കെടുത്തു.
ചീങ്കണ്ണിപ്പുഴ വീണ്ടെടുത്ത് കിഫ
