ദീപാവലി അവധിക്കുള്ള തിരക്ക് പരിഗണിച്ച് നാട്ടിലേക്ക് കൂടുതൽ ബസുകൾ ഓടിക്കുമെന്ന് കേരള ആർ.ടി.സിയും കർണാടക ആർ.ടി.സിയും അറിയിച്ചു. ബംഗളൂരുവിൽനിന്ന് നാട്ടിലേക്ക് 20 മുതൽ 23 വരെയും തിരിച്ച് 27 മുതൽ 30 വരെയുമാണ് കേരള ആർ.ടി.സി സർവിസ് നടത്തുക.ഓണം, ദസറ സീസണുകളിലേതുപോലെ പ്രതിദിനം 18 സ്പെഷൽ ബസുകളാകും ഓടുക. കോഴിക്കോട്, തൃശൂർ, എറണാകുളം, കണ്ണൂർ, പയ്യന്നൂർ, തിരുവനന്തപുരം എന്നിവിടങ്ങളിലേക്കാണിത്. കൂടാതെ, മൈസൂരുവിൽനിന്നും കേരളത്തിലേക്ക് സ്പെഷൽ ബസുകൾ ഉണ്ടാകും. പതിവ് ബസുകളിലെ ടിക്കറ്റുകൾ തീരുന്നതിന് അനുസരിച്ച് സ്പെഷൽ ബസുകളുടെ ഓൺലൈൻ ബുക്കിങ് ഉടൻ തന്നെ തുടങ്ങും