അടക്കത്തോട് : സെപ്റ്റംബർ 3, 5- തീയതികളിലായി നടന്ന സ്കൂൾ കലാമേള പ്രശസ്ത സിനിമ- മിമിക്രി കലാകാരൻ അലൻ ദാസ് ഉദ്ഘാടനം ചെയ്തു. PTA പ്രസിഡന്റ് മാത്യു കാരക്കാട്ട് അധ്യക്ഷനായിരുന്നു.. വാർഡ് മെമ്പർ ബിനു എടാൻ മുഖ്യപ്രഭാഷണം നടത്തി. ഹെഡ് മാസ്റ്റർ ജോസ് സ്റ്റീഫൻ ,മദർ പിടിഎ പ്രസിഡന്റ് മേരിക്കുട്ടി ജോൺസൺ, ജോഷി ജോസഫ് എന്നിവർ സംസാരിച്ചു.. ഹൗസ് അടിസ്ഥാനത്തിൽ വിവിധ ഇനങ്ങളിലായി എല്ലാ കുട്ടികളും മത്സരിച്ചു.
സമാപന സമ്മേളനം സ്കൂൾ മാനേജർ റവ. ഫാ സെബിൻ ഐക്കരത്താഴത്ത് ഉദ്ഘാടനം ചെയ്യുകയും വിജയികൾക്കുള്ള സമ്മാനദാനം നിർവഹിക്കുകയും കലാപ്രതിഭ, കലാതിലകം, മികച്ച നടൻ, നടി, മണവാളൻ, മണവാട്ടി എന്നിവർക്കുള്ള മെമന്റോകൾ വിതരണം ചെയ്യുകയും അധ്യാപകദിനത്തോടനുബന്ധിച്ച് അധ്യാപകർക്ക് ഉപഹാരങ്ങൾ നൽകുകയും ചെയ്തു. പി ടി എ പ്രസിഡണ്ട് മാത്യു കാരക്കാട്ട്, എം പി ടി എ പ്രസിഡണ്ട് മേരിക്കുട്ടി ജോൺസൺ,സോളി ജോസഫ്,ജോഷി ജോസഫ് ,എൽസിന ജെയിംസ് തുടങ്ങിയവർ സംസാരിച്ചു. മഞ്ജുള അതിയടത്ത്, സുജ പി ഡി, ജസീന്ത കെ വി തുടങ്ങിയവർ നേതൃത്വം നൽകി.
