കൊച്ചി: മള്ട്ടിപ്ലക്സുകളിലെയും സിനിമാ തിയറ്ററുകളിലേയും ഭക്ഷണസാധനങ്ങള്ക്ക് അമിത വില ഈടാക്കുന്നുവെന്ന പരാതി വ്യാപകമായതിന്റെ പശ്ചാത്തലത്തില് കൊച്ചിയിലെ മാളുകളില് പരിശോധന നടത്തി സിവില് സപ്ലൈസ്, ഭക്ഷ്യസുരക്ഷ, ലീഗല് മെട്രോളജി വകുപ്പുകള്.എംജി റോഡിലുള്ള സെന്റര് സ്ക്വയര് മാളിലെ തിയറ്ററുകളിലെ ഫുഡ് സ്റ്റാളുകളിലാണ് ഉദ്യോഗസ്ഥരുടെ നേതൃത്വത്തില് പരിശോധന നടക്കുന്നത്. വൈറ്റിലയിലെ ഫോറം മാളിലും മരടിലെ ന്യൂക്ലിയസ് മാളിലുമടക്കം പരിശോധന നടക്കുന്നുണ്ട്.
സര്ക്കാരിന്റെ നിര്ദേശത്തെ തുടര്ന്നാണ് പരിശോധന. കൃത്യമായ റിപ്പോര്ട്ട് നല്കാന് സര്ക്കാര് ആവശ്യപ്പെട്ടിട്ടുണ്ടെന്ന് ലീഗല് മെട്രോളജി ഉദ്യോഗസ്ഥന് മാധ്യമങ്ങളോട പറഞ്ഞു. സ്റ്റാന്ഡേര്ഡ് യൂണിറ്റിലാണോ വില്പ്പന നടത്തുന്നത്, വില വിവരപ്പട്ടിക പ്രദര്ശിപ്പിച്ചിട്ടുണ്ടോ എന്നാണ് പ്രധാനമായും നോക്കുന്നതെന്ന് ലീഗല് മെട്രോളജി ഉദ്യോഗസ്ഥന് പറഞ്ഞു
