Uncategorized
യുഎസിൽ വാഹനാപകടത്തിൽ ഇന്ത്യൻ ടെക്കി യുവതിക്ക് ദാരുണാന്ത്യം; സംഭവം നാട്ടിലേക്ക് വരാനിരിക്കെ
ന്യൂയോർക്ക്: ഇന്ത്യൻ യുവതി യുഎസിൽ വാഹനാപകടത്തിൽ മരിച്ചു. യുഎസിൽ സോഫ്റ്റ് വെയർ എൻജിനീയറായ തെലങ്കാന രംഗറെഡ്ഡി സ്വദേശി ശ്രീപതി ദീപ റെഡ്ഡിയാണ് ന്യൂജേഴ്സിയിലുണ്ടായ വാഹനാപകടത്തിൽ മരിച്ചത്.
ശ്രീപതി ഓടിച്ചിരുന്ന കാർ മറ്റൊരു വാഹനവുമായി കൂട്ടിയിടിച്ചെന്നാണ് റിപ്പോർട്ട്. ഗുരുതരമായി പരിക്കേറ്റ യുവതി സംഭവസ്ഥലത്തുവെച്ച് തന്നെ മരിച്ചിരുന്നു. അപകടത്തിൽ പൊലീസ് അന്വേഷണം ആരംഭിച്ചു.
തെലങ്കാന സ്വദേശിയായ ശ്രീപതി ഭർത്താവ് രാമകൃഷ്ണ റെഡ്ഡിക്കൊപ്പം 2008 മുതൽ യുഎസിലാണ് താമസം. രണ്ടുപേരും സോഫ്റ്റ് വെയർ എൻജിനീയർമാരാണ്. ദമ്പതിമാർക്ക് രണ്ട് പെൺമക്കളുണ്ട്.
