Uncategorized
മലപ്പുറത്ത് വാക്കുതര്ക്കത്തിനിടെ അച്ഛന്റെ അടിയേറ്റ് ചികിത്സയിലായിരുന്ന 17കാരന് മരിച്ചു
മലപ്പുറം: മലപ്പുറത്ത് വാക്കുതര്ക്കത്തിനിടെ അച്ഛന്റെ അടിയേറ്റ് ചികിത്സയിലായിരുന്ന പതിനേഴുകാരന് മരിച്ചു. വളാഞ്ചേരി വൈക്കത്തൂര് സ്വദേശി ശ്യാം ആണ് മരിച്ചത്. ശ്യാമിന്റെ അച്ഛന് ശബരിയെ പൊലീസ് കസ്റ്റഡിയിലെടുത്തു. ഇന്നലെ ശ്യാമും ശബരിയും തമ്മിലുണ്ടായ വാക് തര്ക്കത്തിനിടെ ശ്യാമിന്റെ തലയില് അബദ്ധത്തില് അടിയേല്ക്കുകയായിരുന്നു എന്ന് പൊലീസ് അറിയിച്ചു. ഗുരുതരമായി പരിക്കേറ്റ ശ്യാമിനെ ഉടന് ശബരി തന്നെയാണ് പെരിന്തല്മണ്ണയിലെ സ്വകാര്യ ആശുപത്രിയിലെത്തിച്ചത്. ഇന്ന് വൈകുന്നേരത്തോടെ മരണം സംഭവിക്കുകയായിരുന്നു.
