വളാഞ്ചേരി: പൊതുഇടങ്ങളില് കക്കൂസ് മാലിന്യം തള്ളുന്നത് ഉള്പ്പെടെയുള്ള കേസുകളിലെ പ്രതി അറസ്റ്റില്. വളാഞ്ചേരി കൊട്ടാരം സ്വദേശി നിയാസിനെയാണ് (30) വളാഞ്ചേരി പൊലീസ് അറസ്റ്റ് ചെയ്തത്. എറണാകുളത്ത് നിന്നാണ് പ്രതിയെ പിടികൂടിയത്.
ഇന്സ്റ്റഗ്രാമിലൂടെ വ്യാപാര സ്ഥാപനങ്ങളുടേയും മറ്റും പ്രൊമോഷണല് വ്ളോഗുകള് എടുക്കുന്നയാളാണ് നിയാസ് കൊട്ടാരം. പൊതുജനാരോഗ്യത്തിനും പരിസരശുചിത്വത്തിനും വെല്ലുവിളിയുണ്ടാക്കി പ്രവര്ത്തിച്ചിരുന്ന ഇയാള്ക്കെതിരെ നാട്ടുകാര് പരാതി നല്കിയിരുന്നു.
