എൽപിജി പ്രതിസന്ധി: പോണ്ടിച്ചേരി സർവ്വകലാശാലയിൽ പരീക്ഷകൾ നേരത്തെയാക്കി; കേന്ദ്ര സർക്കാരിനെതിരെ പ്രതിഷേധം
രാജ്യത്ത് എൽപിജി ക്ഷാമം ഇല്ലെന്ന് ബിജെപി സർക്കാരും പ്രധാനമന്ത്രി നരേന്ദ്ര മോദിയും പരസ്യമായി അവകാശപ്പെടുമ്പോഴും, യാഥാർത്ഥ്യം ഇതിൽ നിന്നും തികച്ചും വ്യത്യസ്തമാണെന്ന് ആണ് റിപ്പോർട്ടുകൾ പറയുന്നത്. എൽപിജി ക്ഷാമം മൂലം പോണ്ടിച്ചേരി കേന്ദ്ര സർവ്വകലാശാലയുടെ പ്രവർത്തനം തടസ്സപ്പെട്ടത് വലിയ ആശങ്കയ്ക്ക് വഴിതെളിച്ചിട്ടുണ്ട്.
പ്രതിസന്ധിയെത്തുടർന്ന് പരീക്ഷകൾ നേരത്തെയാക്കാനുള്ള സർവ്വകലാശാല ഭരണകൂടത്തിന്റെ ഏകപക്ഷീയമായ തീരുമാനത്തെ പലരും ശക്തമായി അപലപിക്കുന്നു. അക്കാദമിക് കലണ്ടർ വെട്ടിച്ചുരുക്കി അതിന്റെ ഭാരം വിദ്യാർത്ഥികളുടെ മേൽ അടിച്ചേൽപ്പിക്കുന്നതിന് പകരം, പ്രശ്നം പരിഹരിക്കാൻ മറ്റ് ബദൽ മാർഗങ്ങൾ തേടുകയാണ് സർവ്വകലാശാല ചെയ്യേണ്ടതെന്ന് പ്രതിഷേധക്കാർ ആവശ്യപ്പെടുന്നു.
സാമ്രാജ്യത്വ അമേരിക്കയ്ക്കും ഡൊണാൾഡ് ട്രംപിനും മുന്നിൽ നരേന്ദ്ര മോദി കീഴടങ്ങിയതാണ് ഇന്ത്യയിലെ നിലവിലെ എൽപിജി പ്രതിസന്ധിക്ക് കാരണമെന്ന് ആണ് റിപ്പോർട്ടുകൾ. ഇത് ബിജെപി സർക്കാരിന്റെ കാര്യപ്രാപ്തിയില്ലായ്മയുടെ തെളിവായിട്ടാണ് കണക്കാക്കപ്പെടുന്നത്.
അതിനിടെ ഇന്ന് വീണ്ടും വാണിജ്യ ആവശ്യത്തിനുള്ള പാചകവാതകത്തിൻ്റെയും വിമാന ഇന്ധനത്തിൻ്റെയും വില കുത്തനെ വർധിപ്പിച്ചു. പൊതുമേഖലാ എണ്ണക്കമ്പനികളായ ഇന്ത്യൻ ഓയിൽ കോർപ്പറേഷൻ, ഭാരത് പെട്രോളിയം, ഹിന്ദുസ്ഥാൻ പെട്രോളിയം എന്നിവയാണ് പുതിയ നിരക്കുകൾ പ്രഖ്യാപിച്ചത്.
