കളമശ്ശേരി മെഡിക്കൽ കോളേജിന് തീ പിടിച്ചെന്ന് സന്ദേശം, ഓടിയെത്തിയത് മൂന്ന് യൂണിറ്റ് അഗ്നിരക്ഷാ സേന; പക്ഷേ കത്തിയത് മരക്കഷ്ണങ്ങളും ചവറും
കൊച്ചി: കളമശ്ശേരി മെഡിക്കൽ കോളേജിന് തീ പിടിച്ചെന്ന് സന്ദേശം ലഭിച്ചതിന് പിന്നാലെ തീ അണയ്ക്കുന്നതിനായി അഗ്നി രക്ഷാസേന സ്ഥലത്തെത്തി. മെഡിക്കൽ കോളേജിന് തീ പിടിച്ചെന്ന് കരുതി സ്ഥലത്തേക്ക് തൃക്കാക്കര അഗ്നിരക്ഷാസേന യൂണിറ്റും ഏലൂർ യൂണിറ്റും പാഞ്ഞെത്തി. തൃക്കാക്കരയിൽ നിന്നും രണ്ടാമത്തെ യൂണിറ്റും പുറപ്പെട്ടു. എന്നാൽ സ്ഥലത്തേക്ക് എത്തിയപ്പോഴാണ് മെഡിക്കൽ കോളേജിനല്ല പിന്നിൽ എച്ച്എംടി-മണലിമുക്ക് റോഡിനോട് ചേർന്നുളള മതിലിന് സമീപത്തായി കൂട്ടിയിട്ടിരുന്ന ചവറുകൾക്കും മര കഷ്ണങ്ങൾക്കുമാണ് തീ പിടിച്ചതെന്ന് മനസ്സിലായത്.
ഉടനെ യൂണിറ്റ് പ്രവർത്തനസജ്ജമായി തീ പിടിച്ച ഭാഗത്ത് വെളളം ഉപയോഗിച്ച് തീ അണച്ചു. എച്ച്എംടി-മണലിമുക്ക് റോഡിൽ വാഹനങ്ങൾ നിർത്തിയ ശേഷം മതിന് മുകളിലൂടെയാണ് തീ അണച്ചത്. ഇന്ന് രാവിലെ പത്ത് മണിയോടെയാണ് സന്ദേശമെത്തിയത്. വലിയ അപകടങ്ങൾ സംഭവിക്കുമോ എന്ന ആശങ്കയിൽ എത്തിയ ഉദ്യോഗസ്ഥർക്ക് മെഡിക്കൽ കോളേജിനല്ല, ചെറിയ ചവറ് കൂനയ്ക്കാണ് തീപിടിച്ചതെന്ന വസ്തുത.
