എംജിആറും ശിവാജിയും ജെമിനിയും കമൽ ഹാസനും അടക്കി വാണ തമിഴ് സിനിമ ഉലഗത്തിന്റെ വാതിൽ ചവുട്ടി തുറന്നുകൊണ്ട് 1975 ൽ അപൂർവ രാഗങ്ങൾ എന്ന ചിത്രത്തിലൂടെ രജനികാന്ത് എന്ന കറുത്ത് മെലിഞ്ഞ ഒരു ചെറുപ്പക്കാരൻ കടന്നുവന്നു. അന്നേ വരെ ഇന്ത്യൻ സിനിമ കണ്ടു ശീലിച്ച നായക സങ്കല്പങ്ങൾ അയാളുടെ വരവോടെ തച്ചു തകർക്കപ്പെട്ടു. കമൽഹാസനൊപ്പം അരങ്ങേറിയ രജനി പിന്നീട് പല ചിത്രങ്ങളിലും കമലിന്റെ വില്ലനായും തുല്യ പ്രാധാന്യമുള്ള വേഷങ്ങളിലും പ്രത്യക്ഷപ്പെട്ടു.
