വന്യമൃഗ ഭീഷണി നിലനിൽക്കുന്ന ആറളം ഫാമിൽ ആനമതിൽതന്നെ നിർമിക്കണമെന്നാവശ്യപ്പെട്ട് ആദിവാസി ക്ഷേമ സമിതി കലക്ടറേറ്റ് മാർച്ച് നടത്തി. വന്യമൃഗാക്രമത്തിൽനിന്ന് ആദിവാസികളുടെ ജീവനും സ്വത്തിനും പരിരക്ഷ നൽകുക, ജില്ലയിലെ ഭൂരഹിതരും വനമേഖലയിലുമുള്ളവരുമായ ആദിവാസികൾക്കെല്ലാം ഭൂമി നൽകുക, വനമേഖലയിലെ ആദിവാസി കുടുംബങ്ങൾക്ക് പട്ടയം നൽകുക എന്നീ ആവശ്യങ്ങളും മാർച്ചിൽ ഉന്നയിച്ചു.
നൂറുകണക്കിനാളുകൾ പങ്കെടുത്ത മാർച്ചും ധർണയും സിപിഐ എം ജില്ലാ സെക്രട്ടറി എം വി ജയരാജൻ ഉദ്ഘാടനംചെയ്തു. എൻ ശ്രീധരൻ അധ്യക്ഷനായി. പി വി ഗോപിനാഥ്, പി കെ സുരേഷ്ബാബു, ടി സി ലക്ഷ്മി, ടി ദാമോദരൻ, കെ കെ ജനാർദനൻ, കെ മോഹനൻ എന്നിവർ സംസാരിച്ചു.
previous post