കേന്ദ്ര ജീവനക്കാരുടെ ക്ഷാമബത്തയും (ഡിഎ) പെൻഷൻകാരുടെ ആശ്വാസബത്തയും (ഡിആർ) 3% വർധിപ്പിച്ച് 34% ആക്കാൻ കേന്ദ്രമന്ത്രിസഭാ യോഗം തീരുമാനിച്ചു. അധിക ഗഡുവിന് 2022 ജനുവരി 1 മുതൽ പ്രാബല്യമുണ്ടാകും. കേന്ദ്രജീവനക്കാരും പെൻഷൻകാരുമായി 1.16 കോടി പേർക്ക് ആനുകൂല്യം ലഭിക്കും. ഇതോടെ കേന്ദ്രജീവനക്കാർക്കു കിട്ടാൻ ബാക്കിയുണ്ടായിരുന്ന ഡിഎ പൂർണമായി.
കോവിഡ് പ്രതിസന്ധി മൂലം 2020 ജനുവരി 1 മുതൽ ഒന്നര വർഷത്തേക്ക് കേന്ദ്രം ഡിഎ വർധന മരവിപ്പിച്ചിരുന്നു. കഴിഞ്ഞ ജൂലൈയിൽ 17 ശതമാനത്തിൽനിന്ന് 28 ശതമാനമാക്കി ഉയർത്തി ഇത് പുനഃസ്ഥാപിക്കുകയും ചെയ്തു. പിന്നീട് ഒക്ടോബറിൽ 3% കൂട്ടി 31 ശതമാനത്തിലെത്തി.