ദുബായ്: ടി20 ലോകകപ്പില് സുരക്ഷാപരമായ കാരണങ്ങളാല് ഇന്ത്യയില് കളിക്കാനാവാത്തതിനാല് വേദി മാറ്റണമെന്ന ബംഗ്ലാദേശ് ക്രിക്കറ്റ് ബോര്ഡിന്റെ ആവശ്യം തള്ളി ഐസിസി. ലോകകപ്പില് ബംഗ്ലാദേശിന്റെ മത്സരങ്ങള് ടൂര്ണമെന്റിന്രെ സംയുക്ത ആതിഥേയരായ ശ്രീലങ്കയിലേക്ക് മാറ്റണമെന്നായിരുന്നു ബംഗ്ലാദേശ് ക്രിക്കറ്റ് ബോര്ഡ് ആവശ്യപ്പെട്ടത്. എന്നാല് ഇത് അംഗീകരിക്കാനാവില്ലെന്നും നിലവില് പുറത്തിറക്കിയ മത്സരക്രമം അനുസരിച്ച് ടൂര്ണമെന്റില് കളിക്കാന് ബംഗ്ലാദേശ് തയാറാവണമെന്നും ഐസിസി ബംഗ്ലാദേശ് ക്രിക്കറ്റ് ബോര്ഡിനോട് നിര്ദേശിച്ചുവെന്ന് ക്രിക് ഇന്ഫോ റിപ്പോര്ട്ട് ചെയ്തു. എന്നാല് ഐസിസിയുടെ ഭാഗത്തുനിന്ന് തങ്ങള്ക്ക് ഇതുവരെ ഔദ്യോഗികമായി യാതൊരു അറിയിപ്പും ലഭിച്ചിട്ടില്ലെന്നാണ് ബംഗ്ലാദേശ് ക്രിക്കറ്റ് ബോര്ഡിന്റെ നിലപാട്.
