കണ്ണൂര്‍ റൂറല്‍ ജില്ലാ പോലീസ് ഹെഡ് ക്വാര്ട്ടേഴ്സ് ഓഫീസും മോട്ടോര്‍ ട്രാന്‍സ്‌പോര്‍ട്ട് ഓഫീസും തളിപ്പറമ്പില്‍ പ്രവര്‍ത്തനം തുടങ്ങി. തളിപ്പറമ്പ് സര്‍ക്കിള്‍ ഇന്‍സ്‌പെക്ടറുടെ ഓഫീസായി പ്രവര്‍ത്തിച്ചിരുന്ന കെട്ടിടത്തിന്‍റെ ഒന്നാം നിലയിലാണ് കണ്ണൂര്‍ റൂറല്‍ ജില്ലാ പോലീസിന്‍റെ ഹെഡ് ക്വാര്ട്ടേഴ്സ് ഓഫീസ് ഒരുക്കിയത്.
തളിപ്പറമ്പ് ഡിവൈഎസ്പി ഓഫീസിന് സമീപത്ത് നേരത്തെ ക്വാര്‍ട്ടേഴ്‌സിനായി പണിത കെട്ടിടത്തിലാണ് മോട്ടോർ ട്രാൻസ്പോർട്ട് ഓഫീസ് പ്രവര്‍ത്തിക്കുക. റൂറല്‍ പോലീസ് ജില്ല ഹെഡ് ക്വാര്ട്ടേഴ്സ് ഓഫീസ് ഇന്നലെ മുതലാണ് പ്രവർത്തമാരംഭിച്ചത്.
എ ആര്‍ പോലീസ് ആസ്ഥാനം കൂടിയായതിനാല്‍ പോലീസുകാരുടെ ഡ്യൂട്ടി നിയന്ത്രിക്കുന്നത് തളിപ്പറമ്പിലെ ആസ്ഥാനത്ത് നിന്നാകും.
കെ.വി. പ്രസാദാണ് മോട്ടോര്‍ ട്രാന്‍സ്‌പോര്‍ട്ട് ഓഫീസര്‍. റൂറല്‍ ജില്ലാ പരിധിയില്‍പ്പെട്ട മുഴുവന്‍ പോലീസ് വാഹനങ്ങളുടെയും കാര്യങ്ങള്‍ ഇനി എംടി ഓഫീസില്‍ നിന്നാണ് നിയന്ത്രിക്കുക. പോലീസ് ഓഫീസേഴ്‌സ് അസോസിയേഷന്‍റെയും പോലീസ് അസോസിയേഷന്‍റെയും ജില്ലാ ആസ്ഥാനങ്ങളും വരുംദിവസങ്ങളില്‍ തളിപ്പറമ്പിലേക്ക് മാറ്റും.