മാറാടി പഞ്ചായത്തിലെ വെറൈറ്റി പ്രചാരണം; പാടത്തിറങ്ങി, വിത്ത് വിതച്ച് എൽഡിഎഫ് സ്ഥാനാർഥികൾ

എറണാകുളം: തിരഞ്ഞെടുപ്പ് തീയതി പ്രഖ്യാപിച്ചു. മുന്നണികൾ സ്ഥാനാർഥികളെ പ്രഖ്യാപിച്ച് പ്രചാരണം ആരംഭിക്കുകയും ചെയ്തു. എന്നാൽ എറണാകുളം ജില്ലയിലെ മാറാടി പഞ്ചായത്തിൽ എൽഡിഎഫ് സ്ഥാനാർഥികൾ വ്യത്യസ്തമായ ഒരു പരിപാടിയിലൂടെയാണ് പ്രചാരണം ആരംഭിച്ചത്.

തെരഞ്ഞെടുപ്പുകാലത്ത് പുതുമയാർന്ന പ്രചാരണ രീതികൾ പരീക്ഷിച്ചാൽ വൈറലാകുമെന്ന് ഉറപ്പാണ്. അങ്ങനെയൊന്നാണ് എറണാകുളം ജില്ലയിലെ മാറാടി പഞ്ചായത്തിൽ നടന്നത്. എൽഡിഎഫിന്റെ സ്ഥാനാർഥി പ്രഖ്യാപനം കഴിഞ്ഞു. സ്ഥാനാർത്ഥികൾ ഒന്നടങ്കം പാടത്തേക്ക് ഇറങ്ങി. വിത്ത് വിതക്കാനാണ് എൽഡിഎഫിന്റെ 14 സ്ഥാനാർഥികളും പഞ്ചായത്തിലെ കുരുക്കുന്നപുരം പാടശേഖരത്തേക്ക് ഇറങ്ങിയത്.