ജിഎസ്ടി നഷ്ടപരിഹാരം അനുവദിച്ച് കേന്ദ്രസർക്കാർ. ജിഎസ്ടി നടപ്പാക്കിയതു മൂലമുണ്ടായ നഷ്ടം പരിഹരിക്കുന്നതിനായി സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും 17,000 കോടി രൂപയാണ് കേന്ദ്രസര്ക്കാര് അനുവദിച്ചത്.
ഇതോടെ 60,000 കോടി രൂപയാണ് 2021-22 വര്ഷത്തില് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും നഷ്ടപരിഹാരമായി കേന്ദ്രം അനുവദിച്ചത്.
673.84 കോടി രൂപയാണ് നഷ്ടപരിഹാരമായി ഇത്തവണ കേരളത്തിനനുവദിച്ചത്. ജിഎസ്ടി കൗണ്സിലിന്റെ തീരുമാനമനുസരിച്ച് നടപ്പുസാമ്പത്തിക വര്ഷത്തില് ജിഎസ്ടി നഷ്ടപരിഹാരത്തിലെ കുറവ് നികത്തുന്നതിന് 1.59 ലക്ഷം കോടി രൂപയുടെ വായ്പ സൗകര്യവും ഇതിനോടകം അനുവദിച്ചിട്ടുണ്ട്.