കൊച്ചി: കുവൈത്തിലെ ബാങ്കിൽ നിന്ന് വായ്പ എടുത്ത ശേഷം തിരിച്ചടയ്ക്കാത്ത 13 മലയാളി നഴ്സുമാർക്കെതിരെ കേസ്. അൽ അഹ്ല ബാങ്ക് ഓഫ് കുവൈത്തിൽ നിന്ന് 10.33 കോടി വായ്പ എടുത്ത ശേഷം തിരച്ചടവ് മുടക്കി എന്നാണ് കേസ്. സംഭവവുമായി ബന്ധപ്പെട്ട് 13 കേസുകൾ കോട്ടയം, എറണാകുളം ജില്ലകളിലെ പൊലീസ് സ്റ്റേഷനുകളിൽ രജിസ്റ്റർ ചെയ്തിട്ടുണ്ട്.
2019 മുതൽ 2021 വരെയുള്ള വർഷങ്ങളിൽ കുവൈത്ത് ആരോഗ്യ മന്ത്രാലയത്തിന് കീഴിൽ ജോലി ചെയ്ത കാലയളവിലാണ് ഇവർ ബാങ്കിൽ നിന്നും ലോൺ എടുക്കുന്നത്. തൊഴിൽ കരാറിന്റെ കാലാവധി അവസാനിച്ചതോടെ ഇവർ തിരിച്ച് കേരളത്തിലേക്ക് മടങ്ങി. പിന്നിട് മികച്ച അവസരങ്ങൾക്കായി ഇവർ യൂറോപ്യൻ രാജ്യങ്ങളിലേക്ക് കുടിയേറി. എന്നാൽ ഇവർ ബാങ്കിൽ നിന്ന് എടുത്ത ലോൺ തിരിച്ചടയ്ക്കാൻ തയ്യാറായില്ല. ഇതോടെയാണ് കമ്പനി കേസുമായി രംഗത്ത് എത്തിയത്.
