Uncategorized
വി. ശിവന്കുട്ടി നേരിട്ട് ഇടപെട്ടു; തിരുവനന്തപുരത്ത് ഫ്ളാറ്റ് നല്കാമെന്ന് പറഞ്ഞ് കാൻസർ രോഗിയെ വഞ്ചിച്ചെന്ന പരാതി ഒടുവിൽ ഒത്തുതീര്പ്പാക്കി
തിരുവനന്തപുരം നഗരത്തില് ഫ്ളാറ്റ് നല്കാമെന്ന് പറഞ്ഞ് അമ്മയെയും മകളെയും വഞ്ചിച്ചെന്ന പരാതി ഒത്തുതീര്പ്പായി. നെടുമങ്ങാട് സ്വദേശികളായ നസീറ ബീവി, നെവിന് സുല്ത്താന് എന്നിവരില് നിന്നാണ് അഞ്ചല് സ്വദേശി ഷൈജു അബ്ബാസ് 5 ലക്ഷം രൂപ തട്ടിയത്. ഇതില് 4 ലക്ഷം രൂപ തിരിച്ചു നല്കി. മന്ത്രി വി. ശി ശിവന്കുട്ടി നേരിട്ട് ഇടപെട്ടതിന് പിന്നാലെയാണ് പ്രശ്ന പരിഹാരം.
വഞ്ചിക്കപ്പെട്ട ക്യാന്സര് രോഗി നസീറയുടെ സങ്കടം നേരിട്ടറിഞ്ഞ മന്ത്രിമാരായ വി. ശിവന്കുട്ടിയും ജി. ആര് അനിലും ഇടപെട്ടതിനെ തുടര്ന്നാണ് പ്രശ്നത്തിന് പരിഹാരമായത്. നഷ്ടപ്പെട്ട 5 ലക്ഷം രൂപയില് നാലുലക്ഷം രൂപയും തിരിച്ചുകിട്ടി. മന്ത്രിമാരുടെ നിര്ദ്ദേശപ്രകാരം പൊലീസിന്റെ കൂടി നേതൃത്വത്തില് പ്രശ്നം ഒത്തുതീര്പ്പാക്കുകയായിരുന്നു.
