കണ്ണൂർ: ജില്ലാ പഞ്ചായത്തും പൊതു വിദ്യാഭ്യാസ വകുപ്പും ചേർന്ന് ഓൺലൈനായി ജില്ലാതല പ്രവേശനോത്സവം സംഘടിപ്പിക്കുന്നു. ജില്ലാ പഞ്ചായത്ത് പ്രത്യേകം സജ്ജമാക്കിയ വേദിയിൽ രാവിലെ 9.30 മുതൽ 11 വരെയുള്ള സമയങ്ങളിൽ വിവിധ പരിപാടികളോടെ പ്രവേശനോത്സവം നടത്തും.
ജില്ലാ പഞ്ചായത്ത് ഫേസ് ബുക്ക് പേജിലുടെയും കണ്ണൂർ വിഷൻ ചാനലിലൂടെയും ലൈവായി കുട്ടികൾക്കും രക്ഷിതാക്കൾക്കും വീക്ഷിക്കാം. ജില്ലാ പഞ്ചായത്ത് ഹാളിൽ പൊതുജനങ്ങളെ പ്രവേശിപ്പിക്കാതെ കോവിഡ് പ്രോട്ടോക്കോൾ പാലിച്ചാണ് പരിപാടി നടത്തുന്നത്.
ജെമിനി ശങ്കരൻ, സിനിമാതാരം അനശ്വര രാജൻ, കുരുന്നു ഗായിക അനന്യ എന്നിവർ ദീപം തെളിച്ച് ഉദ്ഘാടനം നിർവഹിക്കും.വിവിധ കലാപരിപാടികളും ക്ലാസുകളും പരിപാടിയുടെ ഭാഗമായി നടക്കും.
previous post