കണ്ണൂർ: കത്തോലിക്കാ കോൺഗ്രസ് പ്രവർത്തകരുടെ വീടുകളിൽ ഐക്യദാർഢ്യ തിരിതെളിച്ച് കർഷക സമരത്തിനു പിന്തുണ പ്രഖ്യാപിക്കുമെന്ന് കത്തോലിക്കാ കോൺഗ്രസ് തലശേരി അതിരൂപത പ്രസിഡന്‍റ് അഡ്വ. ടോണി ജോസഫ് പുഞ്ചക്കുന്നേൽ അറിയിച്ചു.
കർഷക സമരത്തെ അവഗണിച്ചുകൊണ്ട് കാർഷിക നിയമങ്ങൾ നടപ്പിലാക്കാനുള്ള കേന്ദ്ര സർക്കാർ തീരുമാനം അപലപനീയമാണെന്നും നിയമം പിൻവലിക്കുന്നതു വരെ കർഷക സമരത്തോടൊപ്പം കത്തോലിക്കാ കോൺഗ്രസ് ഉണ്ടാകുമെന്നും അദ്ദേഹം അറിയിച്ചു.
കോവിഡ് ദുരിതത്തിൽ ഏറ്റവും ബുദ്ധിമുട്ടുന്ന കർഷകരെ തീർത്തും അവഗണിച്ചുകൊണ്ട് കേന്ദ്ര സർക്കാർ നടപ്പിൽ വരുത്തുന്ന പല തീരുമാനങ്ങളും കർഷകരോടുള്ള വെല്ലുവിളിയാണ്. അതിനാൽ ദുരഭിമാനം വെടിഞ്ഞ് കേന്ദ്ര സർക്കാർ കർഷകരുടെ ന്യായമായ ആവശ്യങ്ങൾ അംഗീകരിച്ചുകൊണ്ട് കർഷക സമരം അവസാനിപ്പിക്കാൻ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
കത്തോലിക്കാ കോൺഗ്രസ് തിരിതെളിച്ച് കർഷക സമരത്തിനു പിന്തുണ നൽകും
