ഇരിട്ടി : ഇരിട്ടി ഡി വൈ എസ് പി പ്രിൻസ് എബ്രഹിമിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ ഇരിട്ടി പോലീസ് സ്റ്റേഷൻ പരിസരത്തു വെച്ച് നടന്ന വാഹന പരിശോധനയിൽ കർണാടക മദ്യം പിടികൂടി. ഇരിട്ടി എസ് ഐ അബ്ബാസ് അലി,എസ് ഐ നാസർ പൊയിലൻ, സീനിയർ സിവിൽ പോലീസ് ഓഫീസർ അബ്ദുൽ റഷീദ്, വിളക്കോട്-വനിതാ സി പി ഒ സൗമ്യ, ഡ്രൈവർ സി പി ഒ നിജേഷ് എന്നിവരാണ് സംഘംത്തിലുണ്ടായിരുന്നത്. കർണാടകയിൽ നിന്നും വരികയായിരുന്ന പച്ചക്കറി വണ്ടി( KL 44 C 8819 )യിൽ നിന്നുമാണ് മദ്യം പിടികൂടിയത്. വാഹനത്തിൽ നിന്നും 360 കുപ്പി മദ്യം ആണ് പിടികൂടിയത്. സബീഷ് കണ്ണവം, ലെനി പോൾ പേരാവൂർ എന്നിവരെ അറസ്റ്റ് ചെയ്തു.