Uncategorized
‘കരഞ്ഞ് പറഞ്ഞിട്ടും അവർ കേട്ടില്ല’; കൂട്ടബലാത്സംഗം വിവാഹാഭ്യര്ത്ഥന നിരസിച്ചതുകൊണ്ടെന്ന് നിയമവിദ്യാര്ത്ഥിനി
കൊല്ക്കത്ത: കൊല്ക്കത്തയില് നിയമവിദ്യാര്ത്ഥിനി കൂട്ടബലാത്സംഗത്തിനിരയായ സംഭവത്തില് കൂടുതല് വിവരങ്ങള് പുറത്ത്. വിവാഹാഭ്യര്ത്ഥന നിരസിച്ചതിനെ തുടര്ന്നാണ് പ്രതികള് പെണ്കുട്ടിയെ കൂട്ടബലാത്സംഗം ചെയ്തതെന്നാണ് പുറത്തുവരുന്ന വിവരം. പ്രധാന പ്രതിയും തൃണമൂല് കോണ്ഗ്രസ് സ്റ്റുഡന്റ്സ് വിംഗ് ജനറല് സെക്രട്ടറിയുമായ മോണോജിത് മിശ്രയാണ് വിവാഹാഭ്യര്ത്ഥന നടത്തിയതെന്നാണ് പെണ്കുട്ടി പൊലീസിന് നല്കിയിരിക്കുന്ന മൊഴി. വിവാഹാഭ്യര്ത്ഥന നിരസിച്ചതോടെ പ്രതികള് പെണ്കുട്ടിയെ സെക്യൂരിറ്റി റൂമില് എത്തിച്ച് പീഡിപ്പിക്കുകയായിരുന്നു. ശക്തമായി പ്രതിരോധിച്ചിട്ടും കരഞ്ഞ് കാലുപിടിച്ചിട്ടും പ്രതികള് പീഡനം തുടര്ന്നുവെന്നും പെണ്കുട്ടി പൊലീസിന് നല്കിയ മൊഴിയില് പറയുന്നു.
