യുഡിഎഫിന്റെ തെരഞ്ഞെടുപ്പ് പ്രചാരണവുമായി ബന്ധപ്പെട്ട് കോണ്ഗ്രസ് മുന് അധ്യക്ഷന് രാഹുല്ഗാന്ധി എംപി നാളെ കേരളത്തിലെത്തും. രാവിലെ 11നു കൊച്ചി നാവികസേന വിമാനത്താവളത്തിലെത്തുന്ന രാഹുല് വൈപ്പിന്, കൊച്ചി, തൃപ്പൂണിത്തുറ, അരൂര്, ചേര്ത്തല, ആലപ്പുഴ, അമ്പലപ്പുഴ, ഹരിപ്പാട്, കായംകുളം നിയോജകമണ്ഡലങ്ങളില് നാളെ പര്യടനം നടത്തും.
11.15ന് എറണാകുളം സെന്റ് തെരേസാസ് കോളജില് വിദ്യാര്ഥിനികളുമായി കൂടിക്കാഴ്ച, 12.30ന് വൈപ്പിന് മണ്ഡലത്തിലെ ഗോശ്രീ ജംഗ്ഷന്, 1.25ന് കൊച്ചി മണ്ഡലത്തിലെ ഫോര്ട്ടുകൊച്ചി വെളി ജംഗ്ഷന്, രണ്ടിനു തൃപ്പൂണിത്തുറയിലെ കച്ചേരിപ്പടി എന്നിവിടങ്ങളില് പ്രചാരണപരിപാടികളില് പങ്കെടുക്കും. 23നും കേരളത്തില് വിവിധ കേന്ദ്രങ്ങളില് രാഹുല് ഗാന്ധി പ്രസംഗിക്കും.