റംസാൻ പ്രമാണിച്ച് ഷാലിമാർ-തിരുവനന്തപുരം നോർത്ത് (കൊച്ചുവേളി ) റൂട്ടിൽ പ്രതിവാര സ്പെഷൽ ട്രെയിൻ അനുവദിച്ച് റെയിൽവേ. കൊച്ചുവേളി-ഷാലിമാർ സ്പെഷൽ മാർച്ച് 28, ഏപ്രിൽ നാല് തീയതികളിൽ കൊച്ചുവേളിയിൽനിന്ന് വൈകുന്നേരം 4.20ന് പുറപ്പെട്ട് മൂന്നാം ദിവസം ഉച്ചയ്ക്ക് 1.40ന് ഷാലിമാറിൽ എത്തും.
തിരികെയുള്ള ഷാലിമാർ-കൊച്ചുവേളി സർവീസ് (06082) മാർച്ച് 31, ഏപ്രിൽ ഏഴ് തീയതികളിൽ ഷാലിമാറിൽനിന്ന് ഉച്ചകഴിഞ്ഞ് 2.20ന് പുറപ്പെട്ട് മൂന്നാം ദിവസം രാവിലെ 9.55 കൊച്ചുവേളിയിൽ എത്തും. 14 എസി ത്രീ ടയർ എക്കണോമി കോച്ചുകളും രണ്ട് സെക്കൻഡ് ക്ലാസ് സ്ലീപ്പർ കോച്ചുകളുമാണ് ഉൾപ്പെടുത്തിയിട്ടുള്ളത്. കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട് എന്നിവയാണ് കേരളത്തിലെ സ്റ്റോപ്പുകൾ. മുൻകൂർ റിസർവേഷൻ ആരംഭിച്ചു.
