ഞായർ മുതൽ ചൊവ്വവരെ സംസ്ഥാനത്ത് ഏറ്റവും കൂടുതൽ മഴ പെയ്തത് കാസർകോട് ജില്ലയിൽ. സംസ്ഥാനത്താകെ 119.7 മില്ലീമീറ്റർ മഴയാണ് ശരാശരി ഈ രണ്ടുദിവസം കിട്ടിയത്. എന്നാൽ, കാസർകോട് ജില്ലയിൽമാത്രം 308.2 മില്ലീമീറ്റർ പെയ്തു. കണ്ണൂരിലും നല്ല മഴ കിട്ടി (275.7). തിരുവനന്തപുരത്താണ് ഏറ്റവും കുറവ് പെയ്തത് (6.8). ബുധനാഴ്ചയോടെ മഴ കുറയാൻ സാധ്യതയുണ്ടെങ്കിലും വടക്കൻകേരളത്തിൽ ഇടവിട്ട് മഴ തുടരുമെന്ന് കേന്ദ്ര കാലാവസ്ഥാ റിപ്പോർട്ടിൽ പറയുന്നു.